Pervîn Buldan çû serdana tîma Dezgeha Xêrxwazî ya Barzanî û spasiya wan kir

PeyamaKurd – Hevseroka Giştî ya Partiya Demokratîk a Gelan (HDP Pervîn Buldan, di çarçoveya serdana xwe ya şopandina xebatên alîkariyê û mexdûrên erdhejê de, li bajarê Dîlokê serdana tîma Dezgeha Xerxwazî ya Barzanî (BCF) jî kir.

Pervîn Buldan, ji xebatkarên BCFê derbarê xebatan de agahî wergirt û ji bo hevkarî û alîkariya mexdûrên erdhejê spasiya wan kir.

Xebatkarekî tîma BCFê ji Pervîn Buldan re ragihand ku karwanên wan ên ji 58 TIRan pêk tên gihîştine herêma erdhejê û wan kelûpelên bi 21 TIRan hatine jî radestî AFAD û Kizilay (Heyva Sor a Tirk) kirine.

Herwiha xebatkarê BCFê got ku 16 TIRên din ên alîkariyê ji Hewlêrê bi rê ketine û 5 TIR alîkarî jî ji bo Rojavayê Kurdistanê têne şandin.

HDP Eş Genel Başkanı Pervin Buldan Antep’te Irak Kürdistan Bölgesi ekiplerini ziyaret etti ve yapılan yardımlar hakkında bilgi aldı.
pic.twitter.com/pFFRZoqNFC

— Arif Zêrevan (@ArifZerevan) February 16, 2023

Tîma BCFê ji Buldan re da zanîn ku ew 10 roj in li herêmê ne, tîmên wan 2 kes bi saxî rizgarkirine û termên 12 kesên ji enqazan derxistine jî radestî malbatên wan kirine.

Buldan piştî guhdariya xebatkarên tîma Dezgeha Xêrxwazî ya Barzanî spasiya wan kir.