Burns: Çin ‘dijminekî otorîter' e û divê Rûsya jî bê sopandin

PeyamaKurd – Namzedê serokatiya CIA yê yê ji aliyê serokê Amerîkayê Joe Biden ve William Burns di komîta senatoyê ya Amerîkayê de axifî û got ku dê ji nêz de Rûsyayê bişopînin û Çîn bi xwe ‘dijminekî otoriter’ e.

Burns di civînê de pirsên senatoran bersivand û got divê bi Çînê re reqabet bêkirin û ev reqabet mifta ewlehiya netewî ya Amerîkayê ye. Burns weha got:

“Di rojên pêşiya me de reqabeta bi Çînê re wezîfa me ya ewiliye û divê Çîn di derveyê reqabetê de bimîne.”

Burns got eger di senatoyê de wezîfa wî bê qebûlkirin wê 4 tiştan berya her tiştê bike. Wan tiştan weha ragihand:

“Mirov, hevparî, Çîn û teknolojî. Çîn mulkiyeta fikrî didize, xelkê di bin zorê de dihêle, seha xwegihandinê fireh dike û şiyanên xwe di nava Amerîkayê de xurt dike. Dijminekî zor û otorîter e.”

Ji axaftinên Burns hinek serikên mijara ev in:

-Divê Enstîtuyên Konfuçyus li Amerîkayê bên girtin ji ber Çîn alîkariya wan dike û alavên propogandeya Çînê ne.

-Divê Rûsya ji nêz de bê şopandin.

-Divê Îran nebe xwediyê santrala nukleerî.

Herkes bendeye ku wezîfa Burns bê erêkirin û bibe serokê CIA yê.