Li Girê Spî bikaranîna lîreyê tirkî hat protesto kirin

PeyamaKurd – Li bajarê Girê Spî yê Rojavayê Kurdistanê ku ji aliyê artêşa Tirkiye û komên çekdar ve hatiye dagirkirin, li dijî bikaranîna pereyên tirkî xwepêşandan hat lidarxistin.

Li gorî zanyariyên xwecihî, bi armanca şermezarkirina biryara bikaranîna lîreya Tirkiyê û zêdebûna nirxê nan, xelkê bajarê Girê Spî dikan girtin û li pêşiya avahiya rêveberiya herêmê xwepêşandaneke protestoyî li dar xistin.

Heman çavkaniyên herêmê diyar kirine ku bi sedan kes li pêşiya Meclîsa Herêmê û Çerxerêya Şaredariyê kom bûne û bi diruşman siyaseta birçîkirinê û kiryarên serokê rêveberiya Girê Spî Wail Ehmed şermezar kirin.

Rêveberiya Girê Spî doh biryara ku nan bi lîreyî tirkî bê firotin derxistibû ku nirxê kîsê ji 8 nanan pêk dihat berê 200 lîreyên Sûriyê bû, lê nirxê nan bi lîreyê Tirkiyê hatiye diyarkirin ku niha dike 400 lîreyên Sûriyê.