Mesrûr Barzanî bi Hakimê Ecmanê re pêwendiyên dualî gotûbêj kir

PeyamaKurd - Serokwezîrê Herêma Kurdistanê Mesrûr Barzanî, di çarçoveya serdana xwe ya Îmarata Erebî de ku beşdarê Lutkeya Hikûmetan bû, îro 15ê Sibatê jî hevdîtinên xwe yên bi berpirsên bilind re dewam kirin.

Hat ragihandin ku Serokwezîr Mesrûr Barzanî îro Sêşemê di çarçoveya serdana xwe ya Îmaratê de, li bajarê Ecmanê ligel Hakimê Mîrnişînê Ecmanê Şêx Hemîd Bin Raşid El Niêmî hevdîtinek pêk anî.

Li gorî zanyariyan, di civîna navbera Mesrûr Barzanî û Şêx Hemîd Bin Raşid El Niêmî de pêşvebirina pêwendiyên dualî û çend mijarên din ên cihê girîngiya hevbeş, hatin gotûbêjkirin.