Li Bedlîsê li 24 gund û mezreyan qedexe hat ragihandin

PeyamaKurd – Parêzgeriya bajarê Bedlîsê yê Bakurê Kurdistanê ragihand ku bi sedema operasyona leşkerî, li 24 gund û mezreyên bajêr heta fermaneke din qedexeya derketina derve hatiye ragihandin.

Li gorî daxuyaniya parêzgeriyê, qedexe ji ber operasyonya leşkerî li 24 gund û mezreyên navenda bajêr û navçeyên wê hatiye ragihandin ku qedexe ji saet 01:00ê 6ê Îlonê ve dest pê kiriye.

Deverên ku qedexe hatiye ragihandin jî wiha hatine rêzkirin: Çeltikli, Aşağıkoçak, Aşağıyolak, Yukarıyolak, Yarönü, Beşkaynak, Dursun, Dikme, Aşağıdikme, Yukarıdikme, Uçankuş, Bayırlı, Kutlu, Akgün, Kınalı, Çobansuyu, Aşağıçobansuyu, Güllüce, Harmanyeri, Karaca, Konalga, Kaşıklı, Kayalıbağ, gundê Cevizdalı û mezreyên wê.