Li Endonezyayê erdhejeke dijwar pêk hat

PeyamaKurd - Li Girava Sulawesi ya Endonezyayê bi pileya 6.8 erdhejek pêk hat.

Li başurê Girava Sulawesi ya Endonezyayê bi pilya 6.8 erdhejeke pêk hat.  

Hat diyarkirin ku di erdhejê de tu kes nemiriye lê piştî erdhejê ji welatiyan hatiye xwestin ku li hemberî tsunamiya muhtemel di amadebaşiyê de bin. Paşê jî hişyariya tsunamiyê hat rakirin.

Hêjayî gotinê ye ku di erdhejeke bi pileya 7.5an a di 28ê îlona 2018an de ya li Endonezyayê 4 hezar û 340 kesî jiyana xwe ji dest dabû.