HRRK "Pêsbaziya Helbesta Kurdî ya Ciwanan" li dar dixe

PeyamaKurd – Hevgirtina Rewşenbîrên Rojavayê Kurdistanê (HRRK) bi piştgiriya Komeleya Janê Xelef a Xêrxwaziyê ya li Îngilistanê "Pêşbaziya Helbesta Kurdî ya Ciwanan" ji bo ciwanên di navbera 18 û 30 salî li dar dixe. Yên bixwazin divê heta 1'ê Adara 2022yan, berhemên xwe bigihînin ber destên amadekaran.

Pêşbazî bi zimanê Kurdî ye û kesên beşdar bibin jî divê nişteciyên Rojava û Sûriyê bin.

Herwiha helbestên ji bo pêşbaziyê bêne şandin, divê li tu derê nehatibin weşandin û beşdarî pêşbaziyên din nebûbîn. Dirêjiya wê jî divê ji 10 malikan heta 50 malikan be.

Encamên pêşbaziyê, wê roja 29'ê Adarê bêne ragihandin û  bi merasimek taybet wê xelat bêne belavkirin. Ji bo berhema yekemîn xelat 500, berhema duyemîn xelat 300 dolar û ji bo ya sêyemîn jî xelat 200 dolar e.

Ji bo têkilî, beşdarî û pirsên din:

- helbest2022@rojava.net

- Mobile û whatsapp +963 (0) 954 770 104