Kurdistan

Spasnameyek ji aliyê PDK Bakur ve hat belavkirin

11 berfanbar 2020, 15:00

PeyamaKurd – Bo helwest û derbirîna hevxemî û serxweşiya berdevkê hizba xwe, PDK Bakur spasnameyek arasteyî Serok Mesûd Barzanî û hizb û rêxistinên Kurdan kir.

Spasnameya PDK Bakur wiha ye:

Ji ber koça dawî ya Berdevkê Partiya me PDK-Bakur, welatparêzê hêja Hemîd Kilinçaslan, gelek partî, sazî, rêkxistin û kesan serxweşî li me kir û bûn hevparê êşa me.

Bi vê munasebetê, di serî de em spasiya Serok Barzanî û partiyên siyasî ên ji her çar aliyên Kurdistanê PDK, PDK-S, PDKI, HAK-PAR, PAK, PSK, DBP, HDP, PYSK û Saziyên Civaka Sivîl CNK, DIAKURD, KOM-KAR, Federasyona Kurdên Swêdê, Weqfa Nehrî, Ked-Kom, Komxebata Kurmancî û Dalkurdê û temamê kesên ku peyam belavkirin, telefon kirin, beşdarî şînê bûn û xwe kirin hevparê êşa me, dikin.