Stenbol | 3 hunermendên Efrînî ji aliyê MÎTa Tirkiyê ve hatin revandin

PeyamaKurd – Li Stenbolê 3 hunermendên Efrînî ji aliyê MÎTa Tirkiyê ve hatin revandin.

Li gor çavkaniyên xwecihî diyar kirin, MÎTa Tirkiyê 3 hunermendên Kurd ên ji Efrînê li Stenbolê revandin.

Herwiha çavkaniyan eşkere kirin, her sê hunermend  bi hinceta ku beriya dagirkirina kantona Efrînê di Tevgera Çand û Hunerê de dixebitîn hatin revandin.

Navên kesên hatine revandin wiha ne; Şêro Agirî, Ferhad Murad û Rakan Mistefa. MÎTa Tirk ji bo serbestdana her yekî 6 hezar dolar xwestine.