Konsûlê Misirê yê Hewlêrê koça dawî kir

PeyamaKurd - Wezareta Derve ya Misrê nûçeya koça dawî ya Konsulê xwe yê li paytexta Herêma Kurdistan Hewlêrê ragihand.

Wezareta Derve ya Misrê bi daxuyaniyekê, nûçeya koça dawî ya Konsûlê Misirê yê Hewlêrê Ehmed Cîhad Haris ragihand û serxweşî li malbat, kesûkar û hevalên wî kir.

Wezaretê da xuyakirin, Ehmed Cîhad sembolê xebat û karkirinê bû ji bo xizmeta welatê xwe û bi dirêjahîya karkirina wî di wezareta derve de û di şandên diplomasî de bi hemû şîyanên xwe xizmeta welatê xwe kirîye.