Helîkoptera leskerî ket: 7 lesker mirin

PeyamaKurd – Wezareta Bergiriya Venezuelayê bi daxuyaniyekê ragihand ku doh Şemiyê li nêzîkî paytext Karakasê helîkoptereke leşkerî ketiye xwarê û 7 kesên tê de can dane.

Wezaretê da xuyakirin ku derbarê ketina helîkopterê de lêkolîn hatine destpêkirin û xebatên hurgilî li awayê ketinê berdewam dikin.

Serokê Venezuelayê Nicolas Maduro ku rûbirûyî serhildana serokê opozîsyonê û serokê demkî yê Venezuelayê Juan Guaido ye, li ser ketina helîkopterê sersaxî xwest û got, Amerîka û serokê opozîsyonê Guaido bi awayekî ne yasayî kotedayê li dijî wî pêk tînin û ew jî vê yekê red dikin.