WHO ji bo 'peymaneke nû ya pandemiyê' dest bi xebatan kir

PeyamaKurd - 194 endamên Dezgeha Tenduristiyê ya Neteweyên Yekbûyî (NY) û Rêxistina Tenduristiyê ya Cîhanê (WHO), ji bo amadebûna nexweşiyên gengaz, li ser peymaneke nû danûstandinan dikin.

Serokê WHO Dr. Tedros Adhanom Ghebreyesus destnîşan kir ku di dema belavbûna CoronaVîrûsê de 'cudakariya derzîngê rû daye' û got: "Welatên geşedar, di gihandina derzîngên ku ji aliyê welatên zengîn ve hatine kirîn de pir asteng bûn û ji ber vê yekê li gelemperiya cîhanê nêzîkî 7 milyon mirovî canê xwe ji dest da."

Peymana pandemîk

Ev peyman wê peymaneke ku ferza wê ya yasayî hebe, lê belê li ser naveroka wê heta niha lihevkirinek pêk nehatiye.

WHO ji bo nîqaşkirin û amadekirina pêşnûmaya peymanê saziyek danûstandinê ya nav hikûmetan (INB) ava kir.

Şeş nûnerên ji Brezîlya, Misir, Japonya, Hollanda, Afrîkaya Başûr û Taylandê ji bo ku hevsengiya erdnîgarî pêk bînin danûstandinan bi rê ve dibin.

Tê payîn ku ev nûner heta 27ê Gulanê peymanê pêşkêşî Civata Tenduristiyê ya Cîhanê ku wezîrên tenduristiyê tê de beşdar in bike.

WHO niha xwedan rêgezên girêdaye, ku wekî Rêziknameyên Tenduristiyê yên Navneteweyî (2005) têne zanîn, ku berpirsiyariyên welatan diyar dikin ger bûyerên tenduristiya gelemperî li qada navneteweyî zêde bibin.

Niha Rêziknameya Tendurustiya Navneteweyî ya WHOyê ku di derbarê ji raya giştî re ragihandina bûyerên tendurustiya gel de berpirsyariya welatan destnîşan dike heye.

Li gor vê rêziknameyê, divê welat tavilê di derbarê rewşa awarte ya tenduristiyê û tedbîrên bazirganî û rêwîtiyê de WHOyê agahdar bikin.

Ev rêzikname ku piştî belavbûna Sarsê ya 2002-2003yan hatibû pejirandin, ji bo xweşînên wek Ebola yên herêmî hîn jî bi kêr tê, lê belê ji bo belavbûna nexweşiyên global têr nake.