Cîhan
هێزە ئاسمانییەکانی ئیسرائیل و یوونان، مانۆڕی نیزامی هاوبەشیان بەڕێوە برد.
پەیامی کورد ... هێزە ئاسمانییەکانی ئیسرائیل و یوونان، مانۆڕی نیزامی هاوبەشیان بەڕێوە برد.
بە پێی ڕاپۆرتێک ، هێزی ئاسمانی ئیسرائیل مانۆڕێکی نیزامی هاوبەشی لەگەڵ یوونان بەڕێوە برد.
«ئاڤیخای ئەدرەعی»، ووتەبێژی ئەرتەشی ئیسرائیل لە کۆبوونەوەیەکی ڕۆژنامەوانیدا ڕایگەیاند: «هێزی ئاسمانی ئیسرائیل و یوونان بەمەبەستی بەرپەرچدانەوەی هێرشە ئاسمانییە پێشکەوتووەکان، مانۆڕی نیزامی فڕۆکە شەڕکەرەکانی بەڕێوە برد و پڕۆڤەیان کرد».
ئەدرەعی لە درێژەدا ووتی: «ئەم مانۆڕە بەستێن و دەرفەتێکی گونجاوە بۆ ئاڵوگۆڕی ئەزموونی هێزە ئاسمانییەکانە و خاڵێکی وەرچەرخان بۆ بەهێزکردنی هاوکاری و بەرژەوەندییەکانی نێوان ئیسرائیل و یۆنانە».
ناوبراو جەختی لەوە کردەوە: «ئەم مانۆڕە نیزامییە توانای دوو ووڵات بۆ بەرپەرچدانەوەی هێرشە ئاسمانییە پێشکەوتووەکان بەرز دەکاتەوە».