Cîhan
وەزیری دەرەوەی ئەمریکا هەفتەی داهاتوو بەشداری کۆبوونەوەی وه زیرانی دەرەوەی ناتۆ له برۆکسل ناکات
پەیامی کورد ... وەزیری دەرەوەی ئەمریکا هەفتەی داهاتوو بەشداری کۆبوونەوەی وه زیرانی دەرەوەی ناتۆ له برۆکسل ناکات
🔸مارکۆ ڕۆبیۆ بەنیازە هەفتەی داهاتوو "لە ساتێکی چارەنووس سازدا بۆ ئۆکراین " کۆبوونەوەی وەزیرانی دەرەوەی ناتۆ لە برۆکسل بەجێ بهێڵێت. میدیاکانی ڕۆژئاوا بە پشت بەستن بە بەرپرسانی ئەمریکا ڕایانگەیاندووە کە کریستۆفر لانداو جێگری وەزیری دەرەوەی ئەمریکا لە شوێنی ئەو نوێنەرایەتی واشینتۆن دەکات.
🔸 بڵاوکراوەکە ئاماژە بەوە دەکات کە نەبوونی ڕۆبیۆ دەتوانێت گومانەکان لەسەر پابەندبوونی ئەمریکا بە ئاسایشی ئەورووپا زیاتر بکات. هەروەها بڵاوکراوەکە ئاماژە بەوە دەکات کە بەرپرسانی ئۆکراین و ئەورووپی لە ئێستاوە نیگەرانن لەوەی کە ناچاربن ڕێککەوتنێکی ئاشتی قبووڵ بکەن کە "زۆر لەبار بێت بۆ بەرژەوەندییەکانی ڕووسیا".