پیاوێکی ئاڵمانی کە ٨٧ جار واکسەنی کۆرۆنا لێدابوو دەست بەسەر کرا
پەیامی کورد ... پیاوێکی ئاڵمانی کە ٨٧ جار واکسەنی کۆرۆنا لێدابوو دەست بەسەر کرا
پیاوێکی ٦١ ساڵەی ئاڵمانی بۆ لێدانی واکسەنی کۆرۆنا بۆ جاری ٨٧ لە ناوەندی لێدانی واکسەنی شاری " دۆرسدن " شناسایی و دەست بەسەر کرا .
بە پێی ڕاپۆرتێک میدیاکانی نیشتمانی ئاڵمانیا ڕایانگەیاند پیاوێکی ئاڵمانی کە ٨٧ جار واکسەنی کۆرۆنای وەشاندووە و تەنانەت لە هەندێک لە ڕۆژەکان دا توانیویەتی تاکوو سێ جار لە ناوەندگەلی جیاوازی دەرمانی ، واکسەن لیبدات لە ناوەندی لێدانی واکسەنی شاری دۆرسدن شناسایی و دواتر دەست بەسەر کرا .
بە ووتەی ووتەبێژی مانگی سووری ئاڵمانی ، یەکێک لە فەرمانبەرانی ناوەندی لێدانی واکسەن لە شاری دۆرسدن لە کاتی لێدانی واکسەنەکە شک و گومان لە یەکێک لە سەردانیکارانی لێدانی واکسەن دەکات و لە دوای پەیوەندی کردنی فەرمانبەری دەرمانی لەگەڵ پۆلیسی ، پیاوێکی ٦١ ساڵەی ئاڵمای کاتێک کە بۆ لێدانی دووبارەی واکسەن سەردانی ناوەندێکی لێدانی واکسەنی دیکەی کردبوو دەست بەسەر دەبێت . لێکۆڵینەوە یاساییەکان دەربارەی ئەم پیاوە دەستی پێکرد و مانگی سووری ئاڵمانی ئەم پیاوەی بە فڕۆشتنی بەڵگەگەلی واکسەن تاوانبار کردووە .
بە پێی ڕاپۆرتەکان ئەو هەر جارە بە بەڵگەی سپی و بەتاڵی واکسیناسیۆن سەردانی ناوەندی لێدانی دەکرد و لە دوای لێدانی واکسەن بە دەستکاری کردنی لە ئەو زانیارییانەی کە نووسرابوون ئەم بەڵگەیەی بەو کەسانێک دەفرۆشت کە لەگەل لێدانی واکسەن دژبەرن . ئەو بە ناو و بەرواری لە دایکبوونی ڕاستەقینەی خۆی بۆ لێدانی واکسەن ناوی خۆی تۆمار دەکرد بەڵام کارت بیمەی خۆی نیشان نەدەدا .