سوپای تورکیا چیای قەندیلی بە چڕی بۆردوومان کرد
پەیامی کورد ... وەزارەتی بەرگری تورکیا ڕایگەیاند، سوپای تورکیا ئۆپراسیۆنێکی ئاسمانی بە ناوی ‘پەنچە’ بۆ سەر چیای قەندیل و ناوچەی خواکوڕك و باسیان ئەنجامدا.
لە روونکردنەوەیەکدا وەزارەتی بەرگری تورکیا ئاماژە بەوە کردووە کە سووپای تورکیا ئۆپراسیۆنێکی ئاسمانی بۆ سەر چیای قەندیل و باسیان و خواکوڕک ئەنجامداوە و چەندین پێگە و حەشارگەی رێکخراوی چەکداری پەکەکەی لەناوبردووە.
هاوکات لە ڕوونکردنەوەکەدا هاتووە کە ئۆپراسیۆنە ئاسمانییەکە لەژێر ناوی “پەنچە’ ئەنجامدراوە و تێیدا هاتووە، “لە چوارچێوەی ئۆپراسیۆنی پلانی پەنچە، بەناو بارەگا و حەشارگەی سەر بە چەکدارانی پەکەکە لە کوردستانی باشوور بۆردوومان کران کە ئامادەکاریی دەکرا بۆ ئەنجامدانی چاڵاکی بەرامبەر بە یەکەکانی سنوور لە ناوچەی خواکوڕك و ئاڤاشین و باسیان. ئۆپراسیۆنەکە بەرەبەیانی ٣٠یی ئاداری ٢٠١٩ بە هاوکات بۆردوومان کران”.