بەهۆی ڕووداوێکی هاتووچۆوە ١٠ هاووڵاتی بوونە قوربانی

پەیامی کورد...  بەهۆی ڕووداوێکی هاتووچۆوە ١٠ هاووڵاتی بوونە قوربانی

ئەمڕۆ سێشەممە ڕووداوێکی هاتووچۆ لە نێوان گوندی باداوان و بێستانە لەسەر ڕێگەی خەلەکان - ڕانیە ڕوویدا و بەهۆیەوە ١٠ هاووڵاتی بوونە قوربانی.

بەپێی زانیارییەکان ئەمڕۆ سێ شەممە بەهۆی ڕووداوێکی هاتووچۆ لە نێوان گوندی باداوان و بێستانە لەسەر ڕێگەی خەلەکان - ڕانیە لە نێوان مینی پاسێک و ئۆتۆمبێلێکی تایبەت، ١٠ هاووڵاتی بریندار بوون و سێ لە بریندارەکان برینەکانیان سەختە.

جێگەی باسە، لە هەرێمی کوردستان خراپی ڕێگاوبانەکان و پابەندنەبوونی شۆفێران بە ڕێنمایییەکانی هاتووچۆ هۆکاری سەرەکی ڕووداوەکانی هاتووچۆن.