هێرۆ ئیبراهیم ئەحمەد دوای بێ دەنگییەکی زۆر پەیامێک بڵاو دەکاتەوە
پەیامی کورد ... هێرۆ ئیبراهیم ئەحمەد دوای بێ دەنگییەکی زۆر پەیامێک بڵاو دەکاتەوە
هێرۆ ئیبراهیم ئەحمەد، ئەندامی پێشوی مەكتەبی سیاسی یەكێتی و هاوژینی رابەری كۆچكردوو مام جەلال، پەیامێكی بڵاوكردەوە و تیایدا پیرۆزبایی لە ساڵیادی دامەزراندنی یهكێتی ژنانی كوردستان كرد.
هێرۆ ئیبراهیم ئەحمەد نووسیویەتی،"یهكێتی ژنانی كوردستان، له ساتهوهختێكی مێژوویی دژواردا له ههناوی شۆڕشی نوێی گهلهكهمان دامهزرا، بهدرێژایی خهبات و تێكۆشانی مێژوویهكی پڕ سهروهری بۆخۆی تۆماركردوه و دهستكهوتی زۆر و گهورهی بۆ ژنان بهدیهێناوه، له بهدیهێنانی ئامانجهكانیدا سهركهوتوو بووە ،ئهمهش جێگهی شانازییه."
دەقی پەیامەكە:
بهڕێزان سكرتێر و ئهندامانی سكرتاریهتی یهكێتی ژنانی كوردستان
ساڵیادی دامهزراندنی یهكێتی ژنانی كوردستان لهئێوهی ئازیز و گشت ئهندامان و چالاكانی ڕیزهكانی یهكێتی ژنان پیرۆز دهكهم، بههیوام ئهم یاده پڕشكۆیه ببێته وێستگهیهك بۆ قۆناغێكی نوێ له خهبات و داكۆكیكردن له ماف و ئازادییهكانی ژنان و یهكسانی جێندهری.
یهكێتی ژنانی كوردستان، له ساتهوهختێكی مێژوویی دژواردا له ههناوی شۆڕشی نوێی گهلهكهمان دامهزرا، بهدرێژایی خهبات و تێكۆشانی مێژوویهكی پڕ سهروهری بۆخۆی تۆماركردوه و دهستكهوتی زۆر و گهورهی بۆ ژنان بهدیهێناوه، له بهدیهێنانی ئامانجهكانیدا سهركهوتووبووه،ئهمهش جێگهی شانازییه.
جارێكی تر پیرۆزبایتان ئاڕاسته دهكهم و ئومێدهوارم ساڵی داھاتوو بۆ رێكخراوهكهتان ساڵێكی پرشنگدارتر و تۆماركردنی سهركهوتنی زیاتربێت، لێرهوه پشتیوانی ههمیشهیی خۆمتان بۆ دووپاتدهكهمهوه، لهپێناو پهرهپێدانی تواناكانی كچان و ژنان، هاوكات بهگژداچوونهوهی بهربهستهكانی بهردهم گهشهكردن و چونهپێشهوهیان له كایه و بواره جۆربهجۆرهكاندا، ئایندهیهكی گهشتر بۆ كچان و ژنانی گهلهكهمان.
ههر شاد و سهرفراز و سهركهوتووبن
هێرۆ ئیبراهیم ئهحمهد