سەرۆکی هەرێمی کوردستان، بۆ ههڵبژاردنى داهاتوو داوایهك لایهنه سیاسییهكان دهكات
پەیامی کورد ... سەرۆکی هەرێمی کوردستان، بۆ ههڵبژاردنى داهاتوو داوایهك لایهنه سیاسییهكان دهكات
سەرۆکی هەرێمی کوردستان پیرۆزبایی 8ـی مارس لە ئافرەتانی کوردستان، عێراق و جیهان دەکات و پاڵپشتی خۆی بۆ "بهدهستهێنانى یهكسانى و تهواوى مافهكانى ژنان" دووپات دەکاتەوە. داواش لە لایەنە سیاسییەکان دەکات لە هەڵبژاردنی داهاتوودا گرینگی زیاتر بە بەربژێرکردنی ژنان بدەن.
دهقی پهیامهكهی سهرۆكی ههرێمی كوردستان:
یادى ههشتى مارس، ڕۆژى جیهانی ئافرهتان، به گهرمى له ههموو ئافرهتانى كوردستان، عێراق و جیهان پیرۆز دهكهم، له ههوڵ و كار و خهباتیاندا بۆ بهدهستهێنانى یهكسانى و تهواوى مافهكانى ژنان، وهك ههمیشه بهوپهڕى بڕوا و تواناوه هاوكار و پشتیوانیانم، هیواى بهرهوپێشچوونى بهردهوام و سهركهوتنیان بۆ دهخوازم.
لهم یادهدا به ڕێز و پێزانینهوه ههموو ئهو ئافرهته بوێرانه بهبیردههێنینهوه كه له كاروانى خهباتیاندا بۆ پاراستن و بهرگرى له مافهكانیان سهریان نایهوه، یان به ناههق بوونه قوربانیى توندوتیژى و بیرى توندڕهوى و دواكهوتوویى. دووپاتى دهكهینهوه به ههموو توانایهك بهڕووى ههر بیر و وته و ستهم و دهستدرێژى و ههراسانكردن و ناههقییهكدا دهوهستینهوه كه بهرامبهر به ژنان بكرێت.
له كاتێكدا به گهشبینى و به چاوى ئومێدهوه له كارایى و بهشدارى و هاوبهشی ئافرهتان له ههموو بوارهكانى ژیاندا له كوردستان دهڕوانین، دووپاتى دهكهینهوه كه خوازیارى زیاترین و وهك ههمیشه له كار و ههوڵ و كۆششمان بهردهوام دهبین بۆ فهراههمكردن و مسۆگهری زیاترى ڕۆڵ و ئامادهیى و دهرفهت و پێگهى ئافرهت له ههموو كایه و بوارهكانى ژیاندا. ههر لێرهدا داواكارین لایهنه سیاسییهكان له ههڵبژاردنى داهاتوودا گرینگی زیاتر به كاندیدكردنى ژنان بدهن.
كۆمهڵگهیهكى ئازاد و شارستانی پێشكهوتوو كه ئارام و ئاسووده بێت، كه نهوهیهكى دروست و به توانا پێ بگهێنێت و داهاتوویهكى باشتر ۆبنێت، بهبێ ئازادى و یهكسانى و مافهكانى ئافرهتان نایهته دى. بۆیه ئهركى ههموومانه لهسهر ههموو ئاستهكانى كۆمهڵگه بهم بڕوا و تێگهیشتنهوه، پشتیوانى له خهباتى ژنان بكهین و تا سهركهوتن لهگهڵیاندا بین.
ههشتى مارس له ههمووان پیرۆز بێت.
نێچیرڤان بارزانى
سهرۆكى ههرێمى كوردستان
2024/3/8