سەرۆکی حکوومەتی هەرێمی کوردستان، پێشوازی لە باڵیۆزی نوێی فیلیپین لە عێراق کرد

پەیامی کورد    ...   سەرۆکی حکوومەتی هەرێمی کوردستان، پێشوازی لە باڵیۆزی نوێی فیلیپین لە عێراق کرد

شەممە 5/4 مەسروور بارزانی، سەرۆکی حکوومەتی هەرێمی کوردستان پێشوازی لە چارلی پاکانا مانانگان، باڵیۆزی نوێی فیلیپین لە عێراق کرد.

سەرۆکی حکوومەت پیرۆزبایی لە باڵیۆز کرد بەبۆنەی دەست بەکاربوونی و هیوای سەرکەوتنی بۆ خواست لە ئەرکەکەیدا و، پشتیوانی حکوومەتی هەرێمی کوردستانی بۆ سەرخستنی کارەکەی دووپات کردەوە.

باڵیۆزی نوێی فیلیپین سوپاسی پشتیوانی حکوومەتی هەرێمی کوردستانی کرد و ئامادەیی وڵاتەکەی بۆ پەرەپێدانی پەیوەندییەکان لەگەڵ هەرێمی کوردستان دەربڕی.