Kurdistan
پۆلیسی تورکیا هاوسەرۆکی شارەوانی جۆلەمێرگی دەستگیرکرد
پۆلیسی تورکیا دەستی بەسەر شارەوانی جۆلەمێرگی باکووری کوردستاندا گرت و هاوسەرۆکی شارەوانییەکەش دەستگیرکرا.
ئەمڕۆ دووشەممە، سەرچاوەکانی هەواڵی باکووری کوردستان بڵاویانکردەوە، درەنگانی دوێنێ شەو دەیان پۆلیسی تورکیا هەڵیانکوتاوەتە سەر باڵەخانەی شارەوانی جۆلەمێرگی باکووری کوردستان و سەرجەم ئەو ڕێگەیانەشیان گرتووە کە دەچنەوە سەر شارەوانییەکە.
ڕوونیشیانکردەوە، پۆلیسی تورکیا مەهمەت سدیق ئاکش، هاوسەرۆکی شارەوانی جۆلەمێرگیان لە شاری وان دەستگیرکردووە کە سەر بە دەم پارتییە و لە هەڵبژاردنەکەی 31ی ئاداری ڕابردوودا سەرکەوتنی بەدەستهێنا.
لای خۆشیەوە دەم پارتی دەستگیرکردنی ئاکشی پشتڕاستکردەوە و ڕایگەیاند، دەسەڵات پەنای بردووەتە بەر زەوتکردنی ماف و کودەتاکردن بەسەر خواستی گەلدا.
تا ئێستا هۆکاری دەستگیرکردنی ئاکش یاشکرا نەکراوە.