سەرۆکی ھەرێمی کوردستان گەیشتە ئاڵمانیا

پەیامی کورد   ...   سەرۆکی ھەرێمی کوردستان گەیشتە ئاڵمانیا

سەرۆکی ھەرێمی کوردستان بۆ بەشداریکردن لە کۆنفرانسی ئاسایشی میوونشن، پێنجشەممە گەیشتە ئاڵمانیا.

دڵشاد شەھاب، ووتەبێژی سەرۆکایەتی ھەرێمی کوردستان ڕایگەیاند: نێچیرڤان بارزانی سەرۆکی ھەرێمی کوردستان بۆ بەشداریکردن لە کارەکانی کۆنفرانسی ئاسایشی میوونشن، گەیشتووەتە ئاڵمانیا.

ووتەبێژی سەرۆکایەتی ھەرێم ھەروەھا ووتی: نێچیرڤان بارزانی لە میانەی سێ ڕۆژی کۆنفرانسی ئاسایشی میوونشن لەگەڵ ژمارەیەک لە سەرکردە و بەرپرسانی باڵای ووڵاتان کە لە کۆنفرانسەکەدا بەشدارن، چەندین دیدار و کۆبوونەوەی دەبێت.

ھەروەھا ووتی: سەرۆکی ھەرێمی کوردستان لەگەڵ سەرکردە و بەرپرسانی باڵای ووڵاتان، دەربارەی پەیوەندییەکانی ھەرێمی کوردستان و عێراق لەگەڵ ووڵاتان و دوا پێشھاتەکان لە ناوچەکە گفتوگۆ دەکات و بیروڕا دەگۆڕێتەوە.