مەسرور بارزانی پێشوازی لە ڕاگەیەندراوی هاوبەشی چەند وڵاتێك دەكات سەبارەت بە هەڵبژاردنەكانی عێراق

پەیامی کورد … مەسرور بارزانی پێشوازی لە ڕاگەیەندراوی هاوبەشی چەند وڵاتێك دەكات سەبارەت بە هەڵبژاردنەكانی عێراق

مەسرور بارزانی، سەرۆكی حكومەتی هەرێمی كوردستان رایگەیاند، پێشوازی لە بەیاننامەی هاوبەشە نێودەوڵەتییەكانی عێراق لە بارەی هەڵبژاردنی پێشوەختە دەكات بۆ پشتیوانیكردنیان لە بەڕێوەچوونی هەڵبژاردنێكی پاك و بێگەرد.

لە پەیامێكدا مەسرور بارزانی راشیگەیاندووە، هەروەها بە گەرمی پێشوازی لە پشتیوانی دۆست و هاوبەشە نێودەوڵەتییەكانمان دەكەم بۆ ئاسانكاریكردن لە پێناو بەڕێوەچوونی هەڵبژاردنێكی ئازاد و دادپەروەرانە و باوەڕپێكراو، بە تایبەتی ناردنی چاودێرانی نێودەوڵەتی لە ڕێگەی نێردەی نەتەوە یەكگرتووەكان بۆ هاریكاری عێراق و یەكێتی ئەوروپا و لایەنەكانی تر .

باسی لەوەشكردووە، حكومەتی هەرێمی كوردستان، دڵنیایی دەدات كە ئازادی گەڕان و هاتووچۆی تیمی چاودێرانی نێودەوڵەتیی دابین دەكات و هانیان دەدات كە لە ناوچە جیاوازەكانی عیراق، چاودێری پرۆسەی هەڵبژاردنەكان بكەن، لەنێویشیاندا ناوچە جێناكۆكەكان. ئەم پشتیوانیەش زۆر گرنگە بۆ بەڕێوەچوونی هەڵبژاردنێكی پاك و بێگەرد.

پێشتر ئەمریكا و 11 وڵاتی هاوپەیمانی لە بەیاننامەیەكی هاوبەشدا پێشوازییان لە ئامادەكارییەكانی عێراق بۆ ئەنجامدانی هەڵبژاردنی پێشوەختە دەربڕیبوو، جەختیشیان كردبوەوە لە سەر بەڕێوەچوونی پرۆسەكە بە شێوەیەكی پاك و بێگەرد.