نێچیرڤان بارزانی پەیامێکی هاوخەمی بڵاو کردەوە
پەیامی کورد ... نێچیرڤان بارزانی پەیامێکی هاوخەمی بڵاو کردەوە
سهرۆكى ههرێمى كوردستان لە پەیامێكدا سەرەخۆشی لە بنەماڵەی د. فرسەت سۆفی، پارێزگاری كۆچكردووی هەولێر و خەڵكی هەولێر و کوردستان دەكات و ئاماژهى بهوه داوه: "د. فرسەت كەسێكی كارزان و دڵسۆز بوو".
ئهمڕۆ چوارشهممه ١٨ی تەشرینی دووەمی ٢٠٢٠، نێچیرڤان بارزانى، سهرۆكى ههرێمى كوردستان، پهیامێكى بڵاو كردهوه و دهڵێت: "بەبۆنەی كۆچی دواییی د. فرسەت سۆفی، پارێزگاری هەولێرهوه، لە دڵەوە خەمگینی و ماتەمینیی خۆمان ڕادەگەیهنین و سەرەخۆشی لە خێزان و كەسوكاری و هەموو خەڵكی پارێزگای هەولێر و کوردستان دەكەم".
سهرۆكى ههرێمى كوردستان باسى لهوهش كردووه: "د. فرسەت سۆفی هەر لە سەرەتای تەمەنیەوە ڕۆڵێكی گرنگی لە ڕیزەكانی یەكێتیی قوتابییانی كوردستاندا گێڕا، دواییش وەك كادیرێكی پێشكەوتوو لە بواری كاری جەماوەریدا ڕۆڵی هەبوو، هەروەها وەك پەرلەمانتارێكی چالاك و یاساناسێكی لێهاتوو، ڕۆڵێكی زۆر بەرچاوی لە پەرلەمانی كوردستاندا ههبوو، كارزانی، دەستپاكی، نیشتیمانپەروەری و دڵسۆزیی د. فرسەت، ئەوی كردبووە كەسێكی خۆشەویست و جەماوەریی".
نێچیرڤان بارزانى دهشڵێت: "دوای وەرگرتنی پۆستی پارێزگاری هەولێر، زۆر بە دڵسۆزییەوە بەدەم كێشەكانی خەڵكەوە دەچوو، زۆر پڕۆژەی هەبوون بۆ پێشخستنی زیاتری شاری هەولێر و هەموو ناوچەكانی پارێزگای هەولێر، بەداخەوە مەرگ ڕێگەی نەدا زیاتر خزمەتی هەولێر و كوردستان بكات، خوای مهزن گیانی به بهزهیی و میهرهبانیی خۆی شاد بكات و دڵنەوایی بە هەموو لایەك ببەخشێت، كار و دڵسۆزیی د. فرسەت سۆفی، هەمیشە لە یادی ئێمەدا دەمێنێتەوە".