کوژران و بریندار بوونی پێنج هاووڵاتیی کورد لە گوڵاڵە

پەیامی کورد ... کوژران و بریندار بوونی پێنج هاووڵاتیی کورد لە گوڵاڵە

لە سنووری ناحیەی گوڵاڵە تیرۆریستانی داعش دەستڕێژی گوللەیان لە ژمارەیەک هاووڵاتی کرد و پێنج کەس کوژران و بریندار بوون.

بەپێی ئەو زانیاریانەی کە بڵاو بوونەتەوە، شەوی چوارشەممە تیرۆریستانی داعش لە نزیك بازگەی حەلوان لە دەروازەی ناحیەی گوڵاڵە دەستڕێژی گوللەیان لە ژمارەیەک هاووڵاتیی سڤیل کردووە و بەو هۆیەوە سێ هاووڵاتی کوژراون و دووی دیکەش بریندار بوونە".

بریندارەكان ڕەوانەی نەخۆشخانەی گشتیی خانەقین كراون بۆ چارەسەر و پۆلیس ناوچەکەی گەمارۆ داوە و تیرۆریستەکانیش هەڵاتوون.