سەرۆك بارزانی پێشوازی لە سەلیم جبووری کرد

پەیامی کورد    ...    ئەمڕۆ پێنجشەممە ٥ـی٩ـی٢٠١٩ لە سەلاحەددین سەرۆك مەسعوود بارزانی پێشوازی لە سەلیم جبووری، ئەمینداری گشتی حزبی گردبوونەوەی مەدەنیی چاکسازی -(کار)ـی عێراقی کرد.

لە دیدارەكەدا كە عەلی حسێن، بەرپرسی مەکتەبی پەیوەندییەکانی کوردستانی و عێراقیی پارتی دیموكراتی كوردستان ئامادەی بوو، دوایین گۆڕانكاری و پێشهاتە سیاسییەكان لەسەر ئاستی عێراق و ناوچەكە خرایە بەرباس و بەڕێز جبووری ڕۆڵی سەرۆک بارزانی و پارتی دیموکراتی کوردستانی لە ڕاستەڕێکردنی پڕۆسەی سیاسی و سەقامگیری و بۆنیاتنانی دەوڵەتی مەدەنی، بەرز نرخاند.

هەروەها جەخت لەسەر بەردەوامی پەیوەندییەكانی نێوان هەردوولا و هەماهەنگی سیاسی و پەرلەمانی كرایەوە.