Kurdistan
پێشوازی سەرۆک بارزانی لە کونسوڵی نوێی ئەڵمانیا
پێشوازی سەرۆک بارزانی لە کونسوڵی نوێی ئەڵمانیا
ئەمڕۆ یەكشەممە ٢٠ی ئەیلوول، سەرۆك بارزانی لە سەلاحەددین پێشوازی لە كونسوڵی نوێی ئەڵمانیا لە هەولێر كرد و لە دانیشتنێکدا چەند پرسێکیان تاوتوێکرد.
لە دیدارەكەدا كلیمێنس سمتنێر كونسوڵی ئەڵمانیا وێڕای خۆناساندن سوپاسی دامودەزگەی هەرێمی كوردستانی كرد كە لە هەموو ئاستەكاندا مامەڵە و هەماهەنگیی باشیان لەگەڵ كونسوڵخانە و تیمی دیپلۆماسیی وڵاتەكەی لە هەرێم كردووە. هەروەها جەختیشی لە پشتیوانیی ئەڵمانیا بۆ هەرێمی كوردستان و عێراق و پەرەپێدانی پەیوەندییەكان كردەوە.
هەر لەو کۆبوونەوەیەدا سەرۆك بارزانی هیوای سەركەوتنی بۆ كونسوڵی نوێی ئەڵمانیا لە ئەرك و كارەكانیدا خواست.