500 کۆچبەر ڕزگار کران

پەیامی کورد... 500 کۆچبەر ڕزگار کران

دەزگای لوتکە بڵاویكردەوە، ئۆپەراسیۆنێکی گەورەی ڕزگارکردن لە کەناراوەکانی کریتی بەڕێوەچوە كە 500 کۆچبەرەوە ڕزگار کرا.

شێخ حسێن حەمە صاڵح نوێنەری دەزگای لوتکە ڕایگەیاند : لە درەنگانێکی شەوی ڕابردوودا بەلەمێکی ماسیگرتن کە 500 کۆچبەری هەڵگرتبوو لە دورگەی کریتی کەوتۆتە مەترسیەوە.

بە پێی زانیاریەکانی دەزگای لوتکە، ئۆپەراسیۆنێکی گەورەی ڕزگارکردن لە کەناراوەکانی کریتی بەڕێوەچوە ، کە لەلایەن پۆلیسی کەناراوەکانی یونانەوە بە هۆی بە هێزی شەپۆلی دەریاوە کە خێرای هەوا گەشتۆتە ٧ بۆفۆر نەتوانراوە ڕزگار بکرێن.

ئەوەشیان خستەڕوو، داوای هاوکاری لە هێزێکی ئەمریکی سەربازی کراوە کەلە دورگەی کریتی جێگیرە، بۆ ڕزگار کردنی کۆچبەرەکان کە سەرجەمیان ڕزگار کراون و گواستراونەتەوە بۆ شارۆچکەی ( خانیا ).