دەستگیرکردنی شەش چەكداری داعش راگەیەندرا

پەیامی کورد... دەستگیرکردنی شەش چەكداری داعش راگەیەندرا


شانەی راگەیاندنی ئەمنی سەربە نووسینگەی سەرۆکوەزیرانی عێراق راگەیاند کە لەمیانی زنجیرەیەک ئۆپەراسیۆندا لە پارێزگاکانی نەینەوا، کەرکووک و ئەنبار، شەش تیرۆریستی داعش دەستگیرکراون.

لەمبارەیەوە شانەی راگەیاندنی ئەمنی لە راگەیەندراوێکدا ئاشكرای كردووە کە ھێزەکانی سەربە بەڕێوەبەرایەتیی ھەواڵگریی سەربازیی سەربە وەزارەتی بەرگری، زنجیرەیەک ئۆپەراسیۆنیان بۆسەر تیرۆریستانی داعش لە پارێزگاکانی نەینەوا، کەرکووک و ئەنبار ئەنجامداوە.

ئاماژە بەوەشكراوە كە لەمیانی ئۆپەراسیۆنەکاندا، شەش تیرۆریستی داعش دەستگیرکراون.