هۆکاری کوشتنی سێ کەسی بنەماڵەیەکی کورد لە بەغدا ئاشکرا دەکرێت

پەیامی کورد     ...     هۆکاری کوشتنی سێ کەسی بنەماڵەیەکی کورد لە بەغدا ئاشکرا دەکرێت 

شەوی ڕابردوو کۆمەڵێک چەکدار چوونەتە سەر ماڵێکی کورد و سێ ئەندامیان کوشتووە، بەرپرسێکی پارتیش لە بەغدا دەڵێ، کوشتنی ئەو سێ ئەندامەی کورد بۆ پارە بووە و، لە بەغداش و پارێزگاکانی دیکەش کوشتن گەلێک زۆر بووە و ھێزە ئەمنییەکانیش لە بەھاناوەچوونی تاوانەکان بێباکن، چونکە میلیشیان.

ئیسماعیل سایەمیر، کارگێڕی رێکخستنی لقی پێنجی پارتی لە بەغدا، ڕایگەیاند : شەوی ڕابردوو کۆمەڵێک چەکدار لە یەکێک لە گەڕەکەکانی بەغدا چوونەتە سەر ماڵی کوردێک، کە سێ کەس بوون و دۆخی ئابوورییان زۆر باش بووە و کچەکە پیشەی پزیشک بوو، بۆیە پارەیەکی زۆریان لێ دزیون و ھەر سێ کەسیشیان کوشتووە و دواتر رایان کردووە و ھیچ کەسێک بە ھانایانەوە نەچووە، چوونکە کوشتن لە بەغدا زۆر بووە و کەسیش نییە رێگرییان لێ بکات و ھێزە ئەمنییەکانیش حەشدی شەعبین و بێباکن، کە ھەندێک جار دوای سەعاتێک لە تاوانەکە دەگەنە شوێنی رووداوەکە.

سایەمیر ووتیشی، نەک لە بەغدا لە شارێکی دیکەی عێراقیش رۆژانە حاڵەتی کوشتن ھەیە و یەکجار زۆر بووە.