ڕۆژئاوای کوردستان/ کۆپتەرێکی ڕووسیا بەربوویەوە

پەیامی کورد … ڕۆژئاوای کوردستان/ کۆپتەرێکی ڕووسیا بەربوویەوە

کۆپتەرێکی سەربازیی رووسیا لە پارێزگای حەسەکە لە رۆژئاوای کوردستان کەوتە خوارەوە.

بەپێی هەواڵێکی ماڵپەڕی (سکای نیوز)، هەلیکۆپتەرەکە کاتژمێر٩ی سەرلەبەیانیی ئەمڕۆ یەکشەممە ٢٨ی شووباتی ٢٠٢١ کەوتووەتە خوارەوە و تێک شکاوە.

کۆپتەرە رووسییەکە لە نێوان گوندەکانی رەیحانییە و قاسمییە لە رۆژئاوای شارەدێی تەل تەمر لە حەسەکە، کەوتووەتە خوارەوە.

تا ئێستا هۆکاری کەوتنەخوارەوەی هەلیکۆپتەرەکە و زیانە مرۆییەکانی، بە دروستی نازاندرێ و تەنیا کاپتنەکەی تێدا بووە و ئەویش گیانی لەدەست داوە.