بۆرڵ : یەکیتی ئەورووپا دەبێ فێر بێت بە زمانی زۆر قسە بکات

پەیامی کورد   ...    بۆرڵ : یەکیتی ئەورووپا دەبێ فێر بێت بە زمانی زۆر قسە بکات .

بەرپرسی دیپلۆماسییەتی یەکیتی ئەورووپا ئەمڕۆ یەکشەممە لە کۆنفڕانسی ئەمنییەتی میوونشن دا ڕایگەیاند : یەکیتی ئەورووپا دەبێ فێر ببێت کە لە وار و زمانی هێز و زۆرەوە قسە بکات و هەوڵ بدات .

بە پێی ڕاپۆرتێک ، جۆزێپ بۆرڵ ، بەرپرسی دیپلۆماتیکی یەکیتی ئەورووپا ئەمڕۆ یەکشەممە لە کۆنفڕانسی ئەمنییەتی میوونشن دا ڕایگەیاند : ئەورووپا دەبێ فێر ببێت کە بە زمانی هێز و زۆر قسە بکات ، زۆرێک لە خەڵک وا بیر دەکەنەوە کە ئەمە هێزی سەربازییە ، بەڵێ بەڵام نە بە تەنیا .

هەروەها ووتی : ئەورووپا پێویستی بە هیز و کردارە . نە ئەوەی کە تەنیا هەر ڕۆژ بڵێ کە ئێمە نێگەرانین ، ئێمە زۆر نیگەرانین ئێمە لە ڕادەبەدەر نیگەرانین ، ئێمە دەبێ بتوانین کار و کردارمان نیشان بدەین .

جۆزێپ بۆرڵ ، نوێنەری باڵای یەکیتی ئەورووپا لە سیاسەتەکانی دەرەوەدا ڕایگەیاند : لە هەندێک بواردا ، یەکیتی ئەورووپا دەبێ لە ڕاستی بریاردان بە تەنیا ، دەست هەڵبگرێت .

ئەو هەروەها لە کۆنفڕانسی ئەمنییەتی میوونشن دا ڕایگەیاند : ئێمە دەبێ کەم کەم لە مەسیری بەلاوەنانی بناغەی یەکگرتوویی هەنگاو هەڵبگرین . بۆ نموونە ئەگەر ٢٥ ووڵات هاوڕا بن ئەوان دەبێ بتوانن کارێک بکەن . ئەگەر نا ئەوە ئیفلیج دەبین .