مەلای ئائینی شاری کازروون نوێنەری خامنەیی لە بەرامبەر ماڵەکەی خۆیدا کوژرا
پەیامی کورد ... مەلای ئائینی شاری کازروون لە بەرامبەر ماڵەکەی خۆیدا لە ڕێی کەسێکەوە بە لێدانی چەقۆ کوژرا .
بە پێی ڕاپۆرتێک ، مەحەمەد خۆرسەند ، مەلای ئائینی کازروون ،نوێنەری خامنەیی لە دەورووبەری سەربەیانی ئەمڕۆ چوارشەممە ٢٩ی مەی ٢٠١٩ لە بەرامبەر ماڵەکەی خۆی لە ڕێی کەسێکەوە بە لێدانی چەقۆ کوژرا .
ڕووداوەکە لە دوای گەڕانەوەی ئەم مەلا ئائینییە لە مزگەوت لە کاتژمێر ٣و ٤٥ خوولەک و لە شەوی ٢٤ی مانگی ڕەمەزاندا ڕوویداوە .
هەربە پێی زانیارییەکان ، خۆرسەند دوای گەیاندنی بۆ نەخۆشخانە بە هۆی قووڵ بوونی برینەکەیەوە کوژرا .
بکوژی ئەم مەلا ئائینییە کەسێک بووە بە جل و بەرگی ڕەشەوە و لە بەرامبەر ماڵەکەیدا چاوەڕێی هاتنەوە ئەو بووە و لە دوای گەیشتنی بە زۆری کە گوایە دەیەوێ وێنەی لەگەڵ بگرێت بە چەقۆ لە سەر سینگی دەدات . بکوژەکە تەمەنی ٤٠ ساڵە و کاری وێنەگری دەکات . هەروەها هەندێک سەرچاوە دەڵێن ئەم کەسە ناوی حەمید درەخشەندەیە کە دوای کوشتنی ئەم مەلایە بە دەبگی بەرز لە سەر شەقام هاواری کردووە و ووتوویەتی بکۆژ و قاتیلی گەنجەکانی کازروونم کوشت . دواتر شوێنەکەی بە جێ هێشتووە و تا ئێستا شوێنەکەی دیار نییە .
بە پێی هەواڵی سەرچاوەکان هۆکاری ڕوودانی ئەم ڕووداوە بۆ ساڵی ڕابردوو و کوژرانی چەند کەسێکی گەنجی بێ تاوان ە لە شاری کازروون
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە