بەرپرسێکی سەربازی ئێران بەشانازییەوە باس لە کوشتنی کۆڵبەران دەکات

پەیامی کورد ... بەرپرسێکی سەربازی ئێران بەشانازییەوە باس لە کوشتنی کۆڵبەران دەکات

فەرماندەی هەنگی سنووریی ئێران لە "سەردەشت" وێڕای ناوبردنی کۆڵبەران بە "سنووربەزێن"، وتوویەتی: "بەنیسبەت کۆڵبەرانەوە دژکردەوەی توندمان دەبێت".

پاسداری "سلێمان بایرامی" فەرماندەی هەنگی سنووریی "سەردەشت" لە دانیشتنێک لەگەڵ کاربەدەستان و باوەڕپێکراوانی ڕێژیم لەو شارەدا وتوویەتی، بەنیسبەت سنووربەزاندنی کۆڵبەرانەوە دژکردەوەی جیددیمان دەبێت.

ئەو پاسدارە بە شانازییەوە باسی له کوژرانی سێ کۆڵبەر لە سنووری  سەردەشت کردووە و بە بێڕێزییەوە ناویانی بردووە و وتوویەتی: "توانیومانە بە سەرکەوتوویی سێ کۆڵبەر بکوژین".

 ناوبراو ڕوو لە خەڵکی سەردەشت وتوویەتی: "داوا لە خەڵکی سەردەشت دەکەین کە لە کوشتنی کۆڵبەراندا هاوکاریی هێزەکانمان بکەن"