وەزارەتی نەوت: بە نرخی ٦٥٠ دینار بەنزینی محەسەن بۆ سەرجەم بەنزینخانەکان دابینکراوە

پەیامی کورد … وەزارەتی نەوت: بە نرخی ٦٥٠ دینار بەنزینی محەسەن بۆ سەرجەم بەنزینخانەکان دابینکراوە

به‌رپرسێكی وه‌زاره‌تی نه‌وتی عێراق رایگه‌یاند: "به‌نزینی جۆری ئۆكتان به‌رزیان بۆ سه‌رجه‌م بەنزینخانەکان دابینكردوه‌ و  به‌نرخی ٦٥٠ دینار به‌ شۆفێران ده‌درێت".

 حامید یونس، بریكاری وه‌زاره‌تی نه‌وت بۆ كاروباری دابه‌شكردنی به‌رهه‌مه‌ نه‌وتیه‌كانی عێراق  رایگه‌یاند: به‌نزینی ئۆکتان بەرز (محەسەن)ی پێویست بۆ سه‌رجه‌م وێستگه‌كانی وه‌رگرتنی سوته‌مه‌نی دابینكراوه‌ و لەو رووەوە هیچ کێشەیەک نەماوە”.

وتیشی: كۆمپانیای دابه‌شكردنی به‌رهه‌مه‌ نه‌وتییه‌كان به‌رده‌وامه‌ له‌ دابینكردنی به‌نزینی ئۆكتان به‌رز، كه‌ به‌نرخی ٦٥٠ دینار ده‌درێته‌ هاوڵاتیان، به‌نزینی نۆرماڵی ئۆكتان ئاسایی به‌ نرخی ٤٥٠ دینار دابه‌شده‌كرێت.

ئه‌وه‌شی خسته‌ڕوو، " سه‌ره‌ڕای ئاسته‌نگی ته‌ندروستی و به‌رزبونه‌وه‌ی پله‌كانی گه‌رما، كۆمپانیاكانی دابه‌شكردنی سوته‌مه‌نی له‌ پارێزگاكان هه‌موو توانای خۆیان بۆ دابینكردنی باشترین خزمه‌تگوزاری بۆ هاوڵاتیان خستوه‌ته‌گه‌ڕ".