سەرۆك بارزانی پێشوازی لە سەرۆكی بەرەی توركمانی عێراق کرد

پەیامی کورد   ...   سەرۆك بارزانی پێشوازی لە سەرۆكی بەرەی توركمانی عێراق کرد

سەرۆک مەسعوود بارزانی، پێشوازی لە سەرۆکی بەرەی تورکمانی عێراق کردوو بیروڕا لەبارەی پڕۆسەی سیاسی عێراق و بارودۆخی پارێزگای کەرکووک ئاڵوگۆڕ کرد.

سێشەممە ١٨-٣-٢٠٢٥، لە سەلاحەدین، سەرۆک بارزانی پێشوازی لە حەسەن توران، سەرۆکی بەرەی تورکمانی عێراق کرد.

لە دیدارەکەدا بیروڕا لەبارەی پڕۆسەی سیاسی عێراق و بارودۆخی پارێزگای کەرکووک ئاڵوگۆڕ کرا، جەخت لەسەر ھەماھەنگی و نزیکی نێوان لایەنە سیاسییەکانی پارێزگای کەرکووک کرایەوە، ئەویش لەپێناو قووڵترکردنەوەی پێکەوەژیان و سەقامگیری و پێشکەشکردنی خزمەتگوزاری بە دانیشتوانی پارێزگای کەرکووک.