لەسێدارەدانی چوار لاوی کورد لە ڕۆژهەڵات

پەیامی کورد ... لەسێدارەدانی چوار لاوی کورد لە ڕۆژهەڵات

لە ماوەی مانگی ڕابردووی زایینی حوکمی سێدارەی چوار هاووڵاتیی کورد لە بەندیخانەکانی کوردستان و ئێران جێبەجێ کراوە.

بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی ئاگۆستی ٢٠٢٠ دا، حوکمی سێدارەی لانیکەم ٤ هاووڵاتیی کورد لە بەندیخانەکانی سنە، برووجێرد و ڕەشت جێبەجێ کراوە.

لە کۆی ئەو چوار کەسە کە لە سێدارە دراون و ناسنامەی تەواویان بۆ هەنگاو ئاشکرا بووە، سەرجەمیان بە تۆمەتی کوشتنی ئەنقەست (قەتڵ) دەستبەسەر و حوکمی سێدارەیان بەسەردا سەپابوو.

هەروەها، زیاترین ژمارەی لەسێدارەدانی هاووڵاتیان کە ٢ حاڵەت بووە، لە پارێزگای سنە تۆمار کراوە. کەسێک لە پارێزگای لوڕستان و کاسێکیش لە پارێزگای گیلان لەسێدارە دراون.