نرخی دۆلار لەبازاڕەکانی هەرێمی کوردستان زیاتر دابەزی

پەیامی کورد... نرخی دۆلار لەبازاڕەکانی هەرێمی کوردستان زیاتر دابەزی


دوای ئەوەی بانكی ناوەندی بڕێكی زۆر لە دۆلاری خستە بازاڕەوە نرخی 100 دۆلار بۆ 150 هەزار و 700 دینار دابەزی

لە ئێستادا 100 دۆلار لە بازاڕەکانی هەرێم بەرامبەر بە 150 هەزار و 700 دینارە و بەراورد بە نرخی دوێنێ دۆلار هەزار دینار دابەزیووە.

حكومەتی عێراقیش ماوەی ساڵێكە چەندین رێکاری بۆ دابەزاندنی نرخی دۆلار گرتووەتە بەر، بەڵام بەهۆی کەمی گەڕانەوەی دینار لەلایەن هاوڵاتیانەوە بۆ بانکەکان و بردنە دەرەوەی دۆلار بۆ وڵاتانی دراوسێ هێشتا کاریگەرییەکی ئەوتۆی دروستنەکردووە كە نرخەكەی بگاتە نرخی فەرمی.

هاوكات ئەمڕۆ بانکی ناوەندی عێراق 218 ملیۆن و 146 هەزار و 755 دۆلاری فرۆشتووە و خستۆتە بازاڕەوە بە بەراورد بە دوێنی بڕێكی زیاترە كە 210 ملیۆن دۆلار بوو