بایدن: سزاکانمان دژی ڕووسیا کاریگەریی لەسەر خودی ئەمریکاش دەبێت
پەیامی کورد... بایدن: سزاکانمان دژیڕووسیاکاریگەریی لەسەر خودی ئەمریکاش دەبێت
لە وتارێکدا جۆ بایدن ڕایگەیاند، «دەبێت وردبین ببین لە دۆخی هێرشی ڕووسیا بۆسەر ئۆکراینا، سزاکان کاریگەریی بۆ ئێمەش دەبێت، ناتوانین بڵێین زیانی بۆ ئێمە نابێت، بەڕوونی کاریگەریی دەکاتە سەر نرخی وزە».
دڵنیاییشی دا بە مۆسکۆ بەوەی «ئەمریکا و ناتۆ نابنە هەڕەشە بۆسەر ڕوسیا، ئێمە نامانەوێت کێشە بۆ سەقامگیریی ڕووسیا دروست بکەین».
بایدن بۆ گەلی ڕووسیا قسەی کرد و وتی، «ئێوە دوژمنی ئێمە نین، من پێم وا نییە ئێوەش جەنگێکی خوێناویتان بوێت دژی ئۆکراینا».
ئەم وتارەی سەرۆکی ئەمریکا دوای ڕاگەیاندنی وەزارەتی بەرگریی ڕووسیا دێت، بە کشاندنەوەی بەشێک لە هێزەکانی ئەو وڵاتە لە سنوورەکانی لەگەڵ ئۆکراینا، «دوای کۆتاییهاتنی ڕاهێنانەکانیان».
لە ڤیدیۆیەکدا کە وەزارەتی بەرگریی ڕووسیا بڵاویکردووەتەوە دەردەکەوێت، «هێزەکانی ڕووسیا لە هەر دوو ناوچەی باشوور و ڕۆژئاوا دەستیان کردووە بە کشانەوە».