فەڕەنسا داوای ئاگربەستی بەپەلە لەنێوان ئیسرائیل و غەززە دەكات

پەیامی کورد... فەڕەنسا داوای ئاگربەستی بەپەلە لەنێوان ئیسرائیل و غەززە دەكات


وەزیری دەرەوەی فەڕەنسا ڕایدەگەیەنێت، فەڕەنسا پێی وایە دەبێت ئاگربەستی بەپەلە لەنێوان ئیسرائیل و غەززەدا بكرێت و بەمەش ڕێگەخۆشكەر دەبێت بۆ ئازادكردنی بارمتەكانی نێوان هەردوولا.

ئەمڕۆ یەكشەممە 17/12/2023، كاسیرین كۆڵۆنا، وەزیری دەرەوەی فەڕەنسا، لە پرێس كۆنفرانسێكدا ڕایگەیاند: "فەڕەنسا پێی وایە دەبێت ئاگربەستی بەپەلە لەنێوان ئیسرائیل و غەززەدا بكرێت، ئەم ئاگربەستەش، ڕێگەخۆشكەر دەبێت بۆ ئازادكردنی بارمتەكانی نێوان هەردوولا."

ئاماژەی بەوەش دا، ئاگربەستی بەپەلە هەروەها ڕێگەخۆشكەر دەبێت بۆ گەیاندنی هاوكاریی مرۆیی بۆ كەرتی غەززە.

كۆڵۆنا ئەوەشی خستە ڕوو: "پێویستە ئێستا بیر لەوە بکەینەوە کە ڕۆژ لە دوای ڕۆژی ئەم شەڕەی ئێستا چی بەدوای خۆید دەهێنێت، پێویستە ئاسۆیەكی سیاسی بۆ چارەسەركردنی كێشەكان هەبێت."