حوکمی لەسێدارەدانی سێ بەندکراوی سیاسی پشتڕاست کرایەوە
پەیامی کورد ... حوکمی لەسێدارەدانی سێ بەندکراوی سیاسی پشتڕاست کرایەوە
دادگای باڵای ڕێژیمی ئێران حوکمی لەسێدارەدانی مەسعوود جامعی، عەلیڕەزا موورداسی دوو هاووڵاتی عەرەبی خەڵکی ئەهواز و فەرشاد ئێعتمادی فەر لە پارێزگای کۆهگیلویە و بویرئەحمەد پشتڕاست کردەوە.
ڕێکخراوێکی مافی مرۆڤ ئەم هەواڵەی ڕاگەیاند و نووسیویەتی کە ئەم حوکمانە لە ڕێگەی پارێزەرانی دۆسیەکە و سیستەمی سێنا پێیان ڕاگەێندراوە.
هەر لەو دۆسیەیەدا، پیشتر دوو بەندکراوی دیکە بە ناوەکانی سامان حورمت نژاد ١٢ ساڵ و داوود حورمت نژاد ١٥ ساڵ زیندانیان بەسەردا سەپێندرابوو. بەپێی سەرچاوەکانی ڕێکخراوی مافی مرۆڤی کارون، پڕۆسەی پشتڕاست کردنەوەی سزای لەسێدارەدانی ئەو سێ زیندانییە سیاسییە بە خێرایی نائاسایی و تایبەت بەڕێوە چووە.
ئەو سێ کەسە تۆمەتەکانی وەک " افساد فی الارض "، "ئەندامیەتی لە گرووپەکانی دژبەری کۆماری ئیسلامی"، "پڕوپاگەندە دژی نیزام " و "کۆبوونەوە هاندانی خەلک"یان بەسەردا سەپاوە.