Cîhan
حکوومەتی کەنەدا سزای نوێی بەسەر کۆماری ئیسلامی دا سەپاند
حکوومەتی کەنەدا ڕایگەیاند لە چوارچێوەی بەپێی “ڕێوشوێنە ئابوورییە تایبەتەکانی پەیوەست بە ئێران"، سزای نوێی بەسەر حەوت كەس دا سەپاندووە.
ئەم سزایانە بریتین لە بەستنی داراییەكان، قەدەغەکردنی مامەڵەی دارایی و سنووردارکردنی گەشت کردن بۆ کەنەدا بۆ کەسانی سزادراو.
وەزارەتی دەرەوەی كەنەدا لە بەیاننامەیەكی ڕەسمی دا، جەختی لەوە كردەوە كە ئەم هەوڵە لە كاردانەوە بە سەركوت، تووندوتیژی و چالاكییە ناسەقامگیرەكانی ناوچەكە لە لایەن كۆماری ئیسلامییەوە دراوە.