پۆمپێئۆ : دەستوەردانی تورکیا مەترسی شەڕ لە قەرەباغ زیاتر دەکات
پەیامی کورد ... پۆمپێئۆ : دەستوەردانی تورکیا مەترسی شەڕ لە قەرەباغ زیاتر دەکات .
مایک پۆمێئۆ وەزیری دەرەوەی ئەمریکا ڕایگەیاند کە دەستوەردانی تورکیا لە تێکهەڵچوونەکانی نێوان ئازەربایجان و ئەرمەنێستان لە ناوچەی قەرەباغ مەترسی شەڕ لە قەرەباغ و ناوچەکە زیاتر کردووە .
بە پێی ڕاپۆرتێک پۆمپێئۆ لە ووتووێژێکی دا لەگەل ڕۆژنامەی WSB Atlanta ڕایگەیاند : تەماشا بکەن بەوەی کە ئەمڕۆ لە ئازەربایجان و ئەرمەنێستان دا تێدەپەڕێت . ئەمە مەترسییە . تورکیا لە ئێستادا خەریکی دەستوەردانە و ئازەربایجانی بە کەل و پەلگەلێک گەیاندووە کە مەترسییەکانی زۆر زیاتر کردووە و تووندی و قورسی دەرگیرییەکانی لەم شەڕە مێژووییەدا زیاتر دەکات .
ئەو ووتی : هیوادارین کە ئەرمەنێستان بتوانێ بەرگری لە خۆی بکات و ئەوەی کە ئەرمەنێستان و ئازەربایجان بتوانن بە ئاگربەس پابەند بن و لەسەر مێزی ووتووێژ بۆ چارەسەرکردنی ئەم بابەتە مێژووییەئاڵۆزە دابنشین .