وەزارەتی تەندرووستی عێراق ئەنجامی پشکنینەکانی ئەمڕۆی کۆرۆنای بە گشتی ڕاگەیاند
پەیامی کورد ... وەزارەتی تەندرووستی عێراق ئەنجامی پشکنینەکانی ئەمڕۆی کۆرۆنای بە گشتی ڕاگەیاند
وەزارەتی تەندرووستی عێراق رایگەیاند، ئەمڕۆ هەینی نۆ هەزار و ٦٠٠ پشکنین لە سەرانسەری عێراق ئەنجامدراوە و لەو ژمارەیەش هەزار و ٦ کەسیان تووشی کۆرۆنا بوون کە ٤١٣ تووشبوویان لە بەغدای پایتەخت تۆمارکراوە.وەزارەتی تەندرووستی عێراق لە ڕاگەێندراوێکدا ئاماژەی بەوەشکردوە، لە ٢٤ کاتژمێری رابردوودا هەزار و ٦ کەس تووشی کۆرۆنا بوون کە زۆرترینان لەم پارێزگایەندا تۆمارکراوە، بەغدا ٤١٣ کەس، بەسرە ٩٦ کەس، سلێمانی ٨٧ کەس، واست ٤٨ کەس، بابل ٤٨ کەس و پارێزگای زیقاریش ٥٠ تووشبوو تۆمارکراوە.ئەوەش هاتووە، لەو ماوەیەدا ٢٣٥ تووشبووی پەتاکە چاکبوونەتەوە و ١٤ تووشبووش گیانیان لە دەستداوە.
وەزارەتی تەندرووستی عێراق لەبارە دواین ئامارەکانیش ئەوەی خستوەتەڕو، تائێستا لە عێراق نۆ هەزار و ٨٤٦ کەس تووشی کۆرۆنا بوون، لەو ژمارەیەش چوار هەزار و ٥٧٣ کەس چاکبوونەتەوە و ٢٨٥ کەسیش گیانیان لە دەستداوە.