بەندکراوێکی کوردی سوننە لە بەندیخانەی ڕەجایی شاری کەرەج مانی لە خواردن گرت و لێوی دوورییەوە

پەیامی کورد     ...   بەندکراوێکی کوردی سوننە لە بەندیخانەی ڕەجایی شاری کەرەج مانی لە خواردن گرت و لێوی دوورییەوە

ئەرکان پاڵانی جاف، بەندکراوی کوردی سوننە لە بەندیخانەی ڕەجایی شاری کەرەج مانی لە خواردن گرت و لێوی دوورییەوە.

ئەرکان پاڵانی جاف، بەندکراوی کوردی سونە، تەمەن ٢٨ ساڵ و خەڵکی سەرپێڵ زەهاو سەر بە شاری کرماشان، لە بەندیخانەی ڕەجایی شاری کەرەج بەرانبەر بە ڕەتکردنەوەی مەرەخەسی لەلایەن بەرپرسی بەندیخانە کاردانەوەی نواند و مانی لە خواردن گرت و لێوی دوورییەوە.

بەپێی ڕاپۆرتی سەرچاوە خۆجەییەکان، ئەم بەندکراوە سونەیە، زیاتر لە چوار ساڵ لە حوکمی حەوت ساڵەی زیندانەکەی تێپەڕاندووە و لەم چوار ساڵەدا هەموو جارێک داوای مەرەخەسی لەلایەن بەرپرسانی بەندیخانەوە ڕەت کراوەتە کە لەم دواییانە بەرانبەر بەم دژایەتییە کاردانەوەی نواند، مانی لە خواردن گرت و لێوی دووریوە.