Kurdistan
کۆڵبەرێکی دیکە لە سنووری بانە کوژرا
پەیامی کورد... کۆڵبەرێکی دیکە لە سنووری بانە کوژرا
بەوتەی ڕێكخراوێكی مافی مرۆڤ لەرۆژهەڵاتی كوردستان، کۆڵبەرێکی گەنجی خەڵکی شاری سەقز لە کاتی کۆڵبەری لە سنووری «هەنگەژاڵ» ی بانە بە تەقەی ڕاستەوخۆی هێزەکانی حکومەت کوژراوە.
ڕێکخراوی مافی مرۆڤی هەنگاو بڵاویكردەوە: ڕۆژی شەممە ٩ی بەفرانباری ٢٧٢٣ (٣٠ی دیسەمبەری ٢٠٢٣) ئەحمەد سادقی خەڵکی گوندی «قەبەغڵو» ی سەر بە شاری سەقز لە سنووری بانە بە تەقەی ڕاستەوخۆی هێزە چەکدارەکانی حکومەتی ئێران کوژرا.
وەك ئەو ڕێكخراوە دەڵێت: ئەحمەد سادقی تەمەن ٣٢ ساڵ و خێزاندار و باوکی منداڵێکی نۆ ساڵانە.
بە پشتبەستن بە ئاماری تۆمار کراو لە ناوەندی ئامار و بەڵگەی ڕێکخراوی مافی مرۆڤی هەنگاو، لە سەرەتای ئەمساڵەوە ئەمە هەژدەیەمین کۆڵبەرە کە لە سنووری بانە لەلایەن هێزە چەکدارەکانی کۆماری ئیسلامی ئێرانەوە کوژراوە.