دوای چەند ڕۆژ لە کرانەوەی قوتابخانەکانی فەڕەنسا جاریکی دیکە بڕیاری داخستنی دەرکرا

پەیامی کورد     ...    دوای چەند ڕۆژ لە کرانەوەی قوتابخانەکانی فەڕەنسا جاریکی دیکە بڕیاری داخستنی دەرکرا

فەڕەنسا کە چەند ڕۆژ پێش قوتابخانەکانی کردەوە ، ٢٢ قوتابخانەی بەهۆی زیادبوونی حاڵەتەکانی تووشبوون و بڵاوبوونەوەی کۆرۆنا جارێکی دیکە داخست

وەزیری پەروەردەی نەتەوەیی فەڕەنسا ژان میشێل بلانکی ڕایگەیاند : ژمارەیەک قوتابخانە لە فەڕەنسا کرانەوە و ئێستاش بەهۆی ئەوەی ژمارەی تووشبووانی کۆرۆنا لەو ووڵاتە رووی لەزیادبوونە، بەشێک لەسەندیکاکانی مامۆستایان و دایک و باوکان ناڕەزایەتییان لەبارەی کردنەوەی دەرگای قوتابخانەکان دەربڕیوە و بەوهۆیەوە بڕیاری داخستنی ٢٢ قوتابخانە دراوە لە دوورگەی لاریۆن.
رۆژی سێشەممەی رابردوو بڕیاری ناردنەوەی ١٢ ملیۆن خوێندکار و قوتابی بۆ قوتابخانەکان درا، بەڵام لەئێستادا  ناڕەزاییەکی گەورە لەنێو مامۆستایان و دایک و باوکاندا هەیە و بەهۆکارێکی خێرا بڵاوبوونەوەی کۆرۆنای دەزانن.
بۆدووهەمجار و بۆ دوو رۆژ لەسەریەک زیاتر لە حەوت هەزار حاڵەتی تووشبوون بەکۆرۆنا لە فەڕەنسا تۆماردەکرێت کە زۆرترین ژمارەی تووشبوونی رۆژانەیە لە ئەورووپادا، ئەوەش زیاتر بەرپرسانی تەندرووستی و هاووڵاتیانی ئەو ووڵاتەی ترساندووە.