Kurdistan
كەسوكاری ئەنفالكراوان چوونە نوگرەسەلمان و داوای هەڵدانەوەی گۆڕە بەكۆمەڵەكان دەكەن
ئەمڕۆ چوار شەممە بەشێك لەكەسوكاری ئەنفالكراوان چوونەتە قەڵای نوگرەسەلمان و داوای هەڵدانەوەی گۆڕە بەكۆمەڵەكان دەكەن.
سەرلەبەیانی ئەمڕۆ چوار شەممە، بەشێك لە كەسوكاری ئەنفالكراوان چوونەتە قەڵای نوگرەسەلمان لە پارێزگای سەماوە و داوای هەڵدانەوەی گۆڕە بەكۆمەڵەكان و گەڕاندنەوەی رووفاتی كەسوكارەكانیان دەكەن.
جێگەی باسە، دوێنێ سێشەممە بەشێك لە كەسوكاری ئەنفالكراوان لە گۆڕەپانی تەحریری بەغداد گردبوونەوە و داوای هەڵدانەوەی گۆڕە بەكۆمەڵەكان و گەڕاندنەوەی رووفاتەكان و قەربووكردنەوەیان كرد.