دهقی ووتارهكهی مەسروور بارزانی لە ڕێوڕەسمی كردنهوهی دووسایدی حاجی ئۆمەران
پەیامی کورد ... دهقی ووتارهكهی مەسروور بارزانی لە ڕێوڕەسمی كردنهوهی دووسایدی حاجی ئۆمەران
مەسروور بارزانی، سهرۆكی حكوومهتی ههرێمی كوردستان، له ڕێورهسمێكدا دووسایدی حاجی ئۆمەرانی كردهوه.
له ڕێورهسمهكهدا ووتارێكی پێشكهش كرد و ووتی، "جێی دڵخۆشییە ئەمڕۆ لێرەین بۆ كردنەوەی بەشێك لەم رێگەیە كە بە شێوەیەكی سەردەمییانە و ڕێك وپێك درووست كراوە و خراوەتە خزمەتی هەموو هاووڵاتیان."
سهرۆكی حكوومهت ڕاشیگهیاند، "هیوادارم ئەم ڕێگەیە و هەموو كارە خزمەتگوزارییەكانی حكوومەتی هەرێمی كوردستان جارێكی تر بكەونەوە خزمەتی هاووڵاتیان و بژێوی ژیانی خەڵكی كوردستان و سەلامەتی و سەربەرزی ئێوە، ئەركە بۆ ئێمە و ئاواتی ئێمەیە."
ئهمهی خوارهوه دهقی ووتارهكهی سهرۆكی حكوومهته:
بە ناوی خودای گەورە و میهرەبان
بەڕاستی زۆر خۆشحاڵم كە سەردانی حاجی ئۆمەران دەكەم كە سەردەمێك پایتەختی شۆڕشی ئەیلوول بوو، شوێنەواری بارزانی نەمرە، شوێنی ئەو پێشمەرگە قارەمانانەیە كە ئێستا ئێمە بەرهەمی دەستیان دەبینین و لە سایەی زەحمەت و ماندووبوونی ئەو پێشمەرگە قارەمانانە، ئێستا كوردستانێكی ئازادمان هەیە.
جێی دڵخۆشییە ئەمڕۆ لێرەین بۆ كردنەوەی بەشێك لەم رێگەیە كە بە شێوەیەكی سەردەمییانە و ڕێكوپێك درووست كراوە و خراوەتە خزمەتی هەموو هاووڵاتیان.
بێگومان خەڵكی ئەم دەڤەرە شایانی خزمەتێكی ئێجگار زیاتر لەوەن، ئەوەی لە دەستی حكوومەتیش بێت، بەپێی ئیمكانیات لە خزمەتتان دەبین و پەرە بەو گەشەسەندن و پێش خستنی ووڵاتەكەمان دەدەین.
ئێرە شوێنێكی گرینگە، چوونكە دەروازەیەكیشە لەگەڵ ووڵاتی دراوسێی ئێمە (كۆماری ئیسلامیی ئێران) كە پێویستە ئێمە گرینگی بەو پەیوەندییانە بدەین و ئاسانكاریش بۆ هاتوچۆی هاووڵاتیان بكەین و لە ڕووی بازرگانیشەوە بۆ ئێمە گرینگە كە پەرە بە بازرگانی لەگەڵ ووڵاتانی دراوسێ بدەین.
هیوادارم ئەم ڕێگەیە و هەموو كارە خزمەتگوزارییەكانی حكوومەتی هەرێمی كوردستان جارێكی تر بكەونەوە خزمەتی هاووڵاتیان و بژێویی ژیانی خەڵكی كوردستان و سەلامەتی و سەربەرزی ئێوە، ئەركە بۆ ئێمە و ئاواتی ئێمەیە.
هیوادارم هەر پیرۆز بێت لێتان، كوردستان ڕۆژ بە ڕۆژ سەركەوتووتر بێت، گەشەی زیاتر بە خۆیەوە ببینێت، ئێوە هەر ساخ و سەلامەت بن، ووڵاتمان هەر ئاوەدان بێت. زۆر سوپاس.