مەسرور بارزانی لەگەڵ کادیرانی لقی شەشی ئەورووپای پارتی دیموکراتی کوردستان کۆبووەوە

پەیامی کورد   ...   مەسرور بارزانی لەگەڵ کادیرانی لقی شەشی ئەورووپای پارتی دیموکراتی کوردستان کۆبووەوە

یەکشەممە مەسروور بارزانی جێگری سەرۆکی پارتی دیموکراتی کوردستان، لەگەڵ بەرپرس و ئەندام و کادیرانی لقی شەشی ئەورووپای پارتی کۆبووەوە.

لە کۆبوونەوەکەدا، جێگری سەرۆکی پارتی، تیشکی خستە دوایین گۆڕانکاری و پێشهات و پەرەسەندنەکانی دۆخی گشتی هەرێمی کوردستان و عێراق و ناوچەکە و پڕۆژە و پلان و چاکسازییەکانی حکوومەتی هەرێمی کوردستان لە کەرتە جۆراوجۆرەکاندا لە پێناو بنیاتنانی ژێرخانێکی بەهێزی ئابووری لە کوردستان. 

جێگری سەرۆکی پارتی، ستایشی ڕۆڵ و کۆشش و خەبات و ماندووبوونی ئەندام و کادیرانی لقی شەشی کرد و هیوای سەرکەوتنی بۆ خواستن لە ئەرک و تیکۆشانیان دا لە پێناو داکۆکیکردن لە پرسە  نیشتمانییەکان و قەوارەی دەستووری هەرێمی کوردستان.